АҚШ Шимолий Корея ядро қуроли ишлаб чиқаришни давом эттирмоқда деб ҳисобламоқда

АҚШ Шимолий Корея ядро қуроли ишлаб чиқаришни давом эттирмоқда, деб ҳисобламоқда. Бу ҳақда АҚШ бош котибининг Шарқий Осиё ва Тинч океани минтақаси масалалари бўйича ёрдамчиси Дэвид Стилуэлл сенатда маълум қилди.

Стилуэлл сенаторлардан бирининг “Пхеньян ядро қуролини ишлаб чиқаришни давом эттирмоқдами?” деган саволига "Ўйлайманки, ҳа давом эттирмоқда" деб жавоб берди.

У АҚШ маъмуриятининг сиёсати Корея яриморолини тўлиқ ядросизлантириш бўлиб қолишини ва Шимолий Кореяга қарши санкциялар бу мақсадга эришишда тараққиёт бўлгандагина бекор қилинишини тасдиқлади.

Аввал хабар қилинганидек, АҚШ президенти Дональд Трамп Шимолий Корея раҳбари Ким Чен Ин билан жорий йил охиригача яна учрашиши мумкинлигини истисно қилмаган. Бунгача икки давлат раҳбарлари уч маротаба - Сингапур ва Ханойда, шунингдек, Жанубий Корея ва КХДР орасидаги қуролсизлантирилган ҳудудда учрашишган.