Албанияда юз берган зилзила натижасида 50дан ортиқ киши жароҳатланди

Албанияда икки марта юз берган ер силкиниши натижасида 52 киши жароҳатланди. Бу ҳақда Albanian Daily news портали хабар берди.

Дастлабки ер силкиниши 5,6 балл бўлган. Зилзила маркази Дуррес шаҳридан олти километр масофада жойлашган.  

Бир оздан сўнг 5,3 балли ер силкиниши қайд этилган.

Мамлакат соғлиқни сақлаш вазири Огерта Манастирлиу барча жароҳатланганлар Албания пойтахтидаги касалхонага ётқизилганини хабар қилган.