Сурияликлар Грециядан украиналиклар кўринишида учиб кетмоқчи бўлишди

Фото: ИЗВЕСТИЯ/Алексей Майшев

10 нафар суриялик мигрант Грециядан Швейцарияга украиналик волейболчилар кўринишида учиб кетмоқчи бўлишди. Бу ҳақда Le Figaro нашри хабар берди.

Греция полициясида маълум қилинишича, эркаклар волейбол жамоаси кийимида бўлишган ва ёнларида бор-йўғи иккита тўп бўлган.

Улар шундай кўринишда Украина паспортлари билан Цюрихга учувчи самолётга чиқишмоқчи бўлишган. Бироқ уларнинг бу найранги паспорт хизматида ҳужжатлари қалбакилиги аниқлангач фош бўлган. Улар Грецияни тарк эта олишмаган.

Таъкидланишича, ҳозирда Грециядаги мигрантларни сақлаш марказларида қочқин мақомини олишга даъвогар 26 минг киши бор.