Ҳиндистон ғарбида 17 киши жала ва сув тошқинлари қурбони бўлди

Ҳиндистон ғарбидаги Пуна шаҳрида кучли жала ва сув тошқинлари сабабли камида 17 киши ҳалок бўлди. Бу ҳақда PTI агентлиги хабар берди.

Аввалроқ 11 киши ҳалок бўлгани айтилганди.

Сўнгги маълумотларга қараганда, Махараштра штатида сув тошқинлари юз берган ҳудудлардан 15 мингга яқин киши эвакуация қилинган.  

Ҳозирда фавқулодда хизматлар ходимлари ҳарбийлар билан ҳамкорликда табиий офат оқибатларини бартараф қилмоқда.

Махараштра бош вазири Давендра Фаднавис жабрланганлар ва қурбон бўлганларнинг оилаларига моддий ёрдам кўрсатиш тўғрисида фармойиш берди. Об-ҳаво маълумотига кўра, штат ҳудудида жала қуйиши яна бир неча кун давом этиши мумкин.