Хитойдаги автоҳалокатда 36 киши ҳалок бўлди

Фото: Twitter/PDChina

Хитой шарқида жойлашган Цзянсу вилоятидаги йўл-транспорт ҳодисасида 36 киши ҳалок бўлди, яна 36 киши жароҳат олди. Бу ҳақда маҳаллий полиция хабар қилган.

Воқеа 28 сентябрь эрталаб Исин округида юз берган. 69 йўловчини олиб кетаётган автобус қарама-қарши йўналишга чиқиб кетиб, юк машинаси билан тўқнашиб кетган.

Полиция маълумотларига кўра, жароҳатланганлардан 9 нафарининг аҳволи оғир.

Дастлабки маълумотларга кўра, воқеага автобус ғилдирагининг ёрилиши сабаб бўлган.