Фото: Давлат божхона қўмитаси ахборот хизмати
Яқинда Фарғона вилояти божхона бошқармасининг “Андархон” чегара божхона постида йирик миқдордаги гиёҳвандлик моддасини ноқонуний олиб ўтишга уриниш билан боғлиқ ҳолат фош этилди. Бу ҳақда Давлат божхона қўмитаси ахборот хизмати хабар бермоқда.
Мамлакатимизга кириб келаётган фуқаро Й.Ж. белгиланган тартибда шахсий кўрикдан ўтказилди. Натижада, ушбу шахс баданига 1,96 килограмм гашиш гиёҳвандлик воситасини боғлаб олгани фош бўлди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
