Финляндияда касб-ҳунар билим юртига ҳужум оқибатида бир киши ҳалок бўлди, ўн киши яраланди

Финляндиянинг Куопио шаҳридаги касб-ҳунар билим юртига ҳужум оқибатида бир киши ҳалок бўлди, ўн киши яраланди. Бу ҳақда Yle телерадиокомпанияси хабар берди.

Хабарда айтилишича, ҳужум қилган шахс совуқ қуролдан фойдаланган. Икки киши оғир жароҳатланган.

Ҳужум қилганликда гумонланган шахснинг ўзи ҳам жароҳатланган бўлиб, у қўлга олинган.

Билим юрти Herman савдо марказида жойлашган. У ерда Savon koulutusyhtyma билим юртининг бизнес бўлими талабалари ўқишади.