Қозоғистонда юз берган ЙТҲ оқибатида Ўзбекистон фуқароси оғир жароҳатланиб касалхонага ётқизилди
Қозоғистоннинг Ақтўбе вилоятида юз берган йўл-транспорт ҳодисаси оқибатида Ўзбекистон фуқароси оғир жароҳатланиб касалхонага ётқизилди.
17 октябрь куни Қозоғистоннинг Ақтўбе вилояти Ирғиз туманида йўл-транспорт ҳодисаси рўй берди. ЙТҲда жароҳат олган Ўзбекистон фуқароси С.Н. Ирғиз туман касалхонасига жойлаштирилди. Олинган маълумотларга биноан унинг соғлиги ҳолати оғир деб баҳоланмоқда. Бу ҳақда Ўзбекистоннинг Ақтау шаҳридаги Бош консулхонаси маълумот берди.
Хабарда айтилишича, Бош консулхона томонидан вазият назоратга олинган ҳамда тиббиёт муассасаси билан доимий алоқа ўрнатилган.
Консуллик-ҳуқуқий департаменти Қозоғистоннинг Ақтўбе, Атирау, Манғистау ва Ғарбий Қозоғистон вилоятлари ҳудудида бўлиб турган фуқароларимиз зарур вазиятларда мамлакатимизнинг Ақтау шаҳридаги Бош консулхонасига +7-29-277-71-17, +7-777-599-00-50, +7-777-599-00-51 телефон рақамлари орқали мурожаат қилишлари мумкинлигини эслатиб ўтади.
Мавзуга оид
15:30
Қозоғистонга йўлбарслар қайтарилмоқда. Улар бундан 70 йил аввал йўқолиб кетганди
09:40 / 12.11.2024
«Фориш» полигонида Ўзбекистон ва Қозоғистон ҳарбий машғулотлари бошланди
20:54 / 11.11.2024
Қозоғистон баҳорда Марказий Осиё давлатларидан 11 миллиард куб метр сув олади
20:06 / 11.11.2024