Тошкентда Nexia устунга урилди, ҳайдовчи вафот этди

Тошкент шаҳрининг Олмазор туманида юз берган ЙТҲ оқибатида 19 ёшли ҳайдовчи ҳалок бўлди

Тошкент шаҳар ИИББ матбуот хизмати хабар беришича, 26 октябрь куни соат 22:45да Тошкент шаҳрининг Олмазор тумани ҳудудидан ўтувчи Кичик ҳалқа йўлида йўл-транспорт ҳодисаси юз берди.

Шаҳар сил касалликлари шифохонаси яқинида 19 ёшли Nexia ҳайдовчиси бошқарувни йўқотиб, электр симлари устунига урилган.

ЙТҲ оқибатида ҳайдовчи тан жароҳатлари билан касалхонага етказилган, аммо шифокорлар томонидан кўрсатилган тиббий ёрдамга қарамай, вафот этган.

Автомобилда бўлган йўловчилар, 19 ёшли Диёр К, Жавоҳир З ва Муҳаммадазиз А. тан жароҳатлари билан шифохонага ётқизилган. Уларга зарурий тиббий ёрдам кўрсатилмоқда.

Дастлабки маълумотларга кўра, ЙТҲ Nexia ҳайдовчисининг тезликни оширгани ҳамда унинг бошқарувни йўқотгани оқибатида юз берган.

#ЙТҲ