Анқарада ИШИДга алоқадорликда гумонланиб 20 нафар хорижлик қўлга олинди

Полиция ходимлари Анқарада махсус операция ўтказган. Гумонланувчиларнинг қайси давлат фуқаролари эканлигига аниқлик киритилмаган.

Туркия хавфсизлик кучлари ИШИД террорчилик ташкилотига алоқадорликда гумон қилиб камида 20 нафар хорижликларни қўлга олди. Бу ҳақда Anadolu агентлиги хабар берди.

Агентликнинг маълумотига кўра, полиция ходимлари Анқарада махсус операция ўтказган. Гумонланувчиларнинг қайси давлат фуқаролари эканлигига аниқлик киритилмаган.

Шу билан бирга, 27 октябрь куни АҚШ президенти Дональд Трамп ИШИД етакчиси Абу Бакр ал-Бағдодий Америка ҳарбийлари томонидан ўлдирилганини эълон қилди. Унинг сўзларига кўра, террорчилар раҳбари билан биргаликда гуруҳнинг кўплаб аъзолари ҳам ўлдирилган.

Россия мудофаа вазирлиги эса ал-Бағдодийнинг ўлдирилгани тўғрисида ишончли маълумотга эга эмаслигини билдирди ва АҚШдан унинг ўлдирилганига далил келтиришни сўради.