Трамп ал-Бағдодийнинг ўрнини эгаллайдиган террорчи ўлдирилганини эълон қилди

У ал-Бағдодийнинг ўрнини эгаллаши мумкин эди.

АҚШ президенти Дональд Трамп ИШИД етакчиси Абу Бакр ал-Бағдодийнинг энг яқин ўринбосари йўқ қилинганини эълон қилди.

"Ҳозиргина Абу Бакр ал-Бағдодийнинг биринчи рақамли ўринбосари америкалик ҳарбийлар томонидан йўқ қилингани тасдиқланди. У энг юқори лавозимни эгаллаши мумкин эди. Энди у ҳам ўлди!" – деб ёзди Трамп Twitter саҳифасида.

У ўлдирилган шахснинг исмини маълум қилмади.

Трамп аввалроқ Суриядаги махсус операция натижасида Абу Бакр ал-Бағдодий ўлдирилганини эълон қилганди.

#Абу Бакр ал-Бағдодий #Дональд Трамп