Агробанк томонидан ўқувчилар учун очиқ эшиклар куни ўтказилди

Ҳеч кимга сир эмаски, пулни тежаш, уни тўғри сарфлай билиш, жамғариш ва тасарруф этишда инсондан билим ва кўникмалар ва албатта жамғариб бориш сирларидан бохабар бўлишлик талаб этилади. 

Хабарингиз бор, 31 октябр куни жаҳон ҳамжамияти томонидан «Бутунжаҳон жамғариш куни» сифатида белгиланган. Ушбу сана муносабати билан юртимизнинг барча ҳудудларида Ўзбекистон Республикаси Марказий банки ташаббуси билан Агробанк томонидан турли тадбирлар ташкил этилмоқда. 

Мазкур санага бағишлаб «Агробанк» АТБнинг Бош офиси ва банкнинг ҳудудий бошқармалари томонидан бириктирилган мактабларда «Очиқ дарс»лар ҳамда «Очиқ эшиклар куни» ҳам ташкил этилди. 

Банкка ташриф буюрган ўқувчилар банк фаолияти ва мижозларга хизмат кўрсатиш сифати, замонавий технологияларнинг амалиётда тадбиқ этиш жараёнлари ҳақида яқиндан танишишга имкониятига эга бўлишди. Бу эса ёшларда катта таассурот қолдирди.

Хусусан, тадбир доирасида банкнинг малакали мутахассислари томонидан Тошкент шаҳар Чилонзор туманидаги 173-сонли умумий ўрта таълим мактабида ҳам «Очиқ дарс» ташкил этилди. Банк ходимлари томонидан ўқувчиларнинг молиявий саводхонлигини ошириш мақсадида, уларга молиявий ресурсларни жамғариш ва оқилона бошқариш кўникмаларини янада ривожлантириш тўғрисида тушунчалар берилди.

«Бутунжаҳон жамғариш куни» муносабати билан мактаб ўқувчилари иштирокида «Менинг бизнес ғоям» мавзусида иншолар ва рефератлар танловлари ҳамда кўргазамали бурчаклар ташкил этилди. Танловда фаол иштирок этган ўқувчиларга банк раҳбарияти томонидан эсдалик совғалари ва бадиий китоблар тақдим этилди.

Қувонарлиси, ўқувчилар келажакда банк соҳаси ходими бўлиш ва иқтисодиётимизни янада ривожлантириш ҳамда халқимиз турмуш фаровонлигини оширишда муносиб иштирок этишларини фахр билан баён қилдилар. 

Сайт: www.agrobank.uz

Telegram: t.me/AgrobankChannel

Instagram: @Agrobank_uz

Facebook: fb.com/AgrobankUzbekistan

«Агробанк» АТБ матбуот хизмати

Реклама ҳуқуқи асосида