Аввалроқ Ражаб Тоййиб Эрдўған АҚШ президенти Дональд Трамп билан телефон орқали суҳбатда 13 ноябрда АҚШ пойтахти Вашингтонга ташриф буюриш тўғрисида келишиб олгани хабар қилинганди.
Туркия президенти Ражаб Тоййиб Эрдўған 13 ноябрда АҚШга амалга оширадиган ташрифи давомида Дональд Трамп билан Туркияга Россиянинг С-400 мажмуалари етказиб берилиши, Американинг Patriot тизими ва F-35 қирувчи самолётлари масалаларини муҳокама қилишини билдирди.
"Биз икки томонлама муносабатлар ва минтақадаги вазиятни муҳокама қиламиз. С-400, Patriot, F-35 – албатта кун тартибида бўлади. Мақсадимиз – савдо айланмасини 100 миллиард долларгача етказиш. Шунингдек, ҳарбий саноатдаги қадамларни муҳокама қиламиз. Бизга Patriot сотилмади, биз унга муқобил С-400ни топдик ва бу иш тугади", - деди Эрдўған Венгрияга ташрифи чоғидаги матбуот анжуманида.
У Туркия Patriot тизимини ҳам сотиб олиши мумкинлигини айтди.
"Биз уни сотиб олишга тайёрмиз, таклиф беришсин, кўриб чиқамиз", - деди Туркия раҳбари.
Аввалроқ Ражаб Тоййиб Эрдўған АҚШ президенти Дональд Трамп билан телефон орқали суҳбатда 13 ноябрда АҚШ пойтахти Вашингтонга ташриф буюриш тўғрисида келишиб олгани хабар қилинганди.
