Фотожамланма: «Ипак йўлида туризм» халқаро кўргазмасининг илк куни қандай ўтди?

13 ноябрь куни «Ўзэкспомарказ» миллий кўргазмалар мажмуида «Ипак йўлида туризм» 25-халқаро кўргазмаси очилди.

3 кун давом этадиган йирик тадбир 2та павильонда ўтказилмоқда. Миллий павильонда ҳар бир минтақанинг миллий маданияти ва сайёҳлик салоҳиятининг ўзига хос хусусиятларини намойиш этувчи Ўзбекистон минтақаларининг тақдимот стендлари, шунингдек, «Ҳунармандлар шаҳри» экспозицияси тақдим этилган.

Халқаро павильонда эса халқаро транспорт компаниялари, давлат ташкилотлари, дипломатик ваколатхоналар, Ўзбекистон ва хориж сайёҳлик ва курорт масканлари стендлари жой олган.

Кўргазманинг илк кунида «Шарқ бозори», «Ипак йўли лаззати» миллий таомлар фестивали, Ўзбекистон сайёҳлик бренди элчиларининг халқаро форуми, Шаҳрисабз халқаро миллий кийимлар фестивали тақдимоти, ҳунармандлар учун маҳорат дарслари ва маҳсулотлари кўргазмаси бўлиб ўтди.