Қўшимча функционаллар
-
Тунги кўриниш
Ўзбекистонда сайловолди ташвиқотига старт берилди
Фото: Халқаро пресс-клуб
Ўзбекистонда 18 ноябрдан Ўзбекистон Республикаси Олий Мажлиси Қонунчилик палатаси ва маҳаллий кенгашлар депутатлари сайловларига сиёсий партиялар ва депутатликка номзодларнинг сайловолди ташвиқотига старт берилди. Бу ҳақда Ўзбекистон Адлия вазирлигининг Telegram-каналида маълум қилинди.
Октябрь бошида Ўзбекистон Марказий сайлов комиссияси йиғилишида сайловолди ташвиқотини олиб бориш тартиби тўғрисидаги низом тасдиқланган эди. Унга кўра, бўш эфир вақти сиёсий партиялар ва номзодлар томонидан оммавий дебатлар, матбуот-анжуманлар, интервьюлар, сайловчилар билан учрашувлар ва чиқишлар учун фойдаланилиши мумкин.
Сайловларга бир кун қолганда ва сайловлар куни ташвиқотга рухсат берилмайди.
Навбатдаги парламент сайловлари 22 декабрда бўлиб ўтади. Уларда иштирок этишга 5 та сиёсий партия қўйилган, улар: Ўзбекистон Халқ демократик партияси, Ўзбекистон Либерал-демократик партияси, “Миллий тикланиш” Демократик партияси, “Адолат” Социал-демократик партияси ва Ўзбекистон Экологик партияси.
Мавзуга оид
19:32 / 07.11.2024
Трамп Ўзбекистон билан муносабатларни қандай олиб боради?
17:48 / 06.11.2024
«Ўзбекистон қитъаларимиз чорраҳасида жойлашган ва глобал алоқаларимиз марказида бўлиши лозим» — Урсула фон дер Ляйен
21:49 / 04.11.2024
Ўзбекистонликлар 2024 йилда Қозоғистонда энг кўп пул сарфлаган хорижликлар қаторига кирди
21:21 / 17.10.2024