АҚШдаги супермаркетда содир бўлган отишмада уч киши ҳалок бўлди

Фото: AP

АҚШнинг Оклахома штатидаги Дункан шаҳрида жойлашган Walmart дўконида содир бўлган отишма оқибатида уч киши ҳалок бўлди. Бу ҳақда Reuters хабар берди.

Маълум қилинишича, жиноятчининг ўзи ҳам отишма чоғида ўлдирилган. Шунингдек, яраланганлар борлиги айтилмоқда.

«Барча муассасалар ва ўқувчиларни ҳимоя қилиш учун эҳтиёт чораларини кўрмоқдамиз. Ҳозирда барча мактаблар ёпилган», — деди шаҳар полицияси вакили.
Воқеанинг бошқа тафсилотлари маълум қилинмаяпти.

17 ноябрь куни Калифорния штатидаги Фресно шаҳрида оилавий байрам чоғида содир этилган отишма натижасида тўрт киши ҳалок бўлгани ва олти киши жароҳатлангани хабар қилинганди.