Туркия Анқарада С-400 радиолокацион тизимларини синовдан ўтказишни бошлайди

Туркия ҳарбийлари Россиядан сотиб олинган С-400 зенит-ракета мажмуаларининг радиолокацион тизимларини синовдан ўтказишни бошлайди. Бу ҳақда CNN Turk телеканали хабар берди.

Телеканалнинг маълумот беришича, синовлар 25 ноябрдан бошланади ва Анқара яқинида ўтказилади. Бунинг учун турли самолётлар, жумладан F-16 қирувчиси ҳавога кўтарилади. Ттурк мутахассислари зенит-ракета мажмуаси ва самолётлар ўртасида алоқа ўрнатилишини текшириб кўришмоқчи.

2017 йил сентябрда Россия Туркия билан С-400 мажмуаларини етказиб бериш бўйича қиймати 2,5 млрд долларлик шартнома имзолаганини эълон қилди. Мажмуалар шу йилнинг 12 июлидан етказиб берила бошланди.

Туркиянинг С-400 сотиб олишига АҚШ ва НАТО қарши чиқмоқда.