2020 йилдан умумтаълим мактаблари иш ҳақи харажатлари республика бюджетидан молиялаштирилади 

2020 йилдан умумтаълим мактаблари ва мактабгача таълим муассасаларининг иш ҳақи харажатлари республика бюджетидан молиялаштирилади. Бу ҳақда Молия вазири ўринбосари Аҳадбек Ҳайдаров  маълум қилди. 

«Бундан кўзланган асосий мақсад – иш ҳақи харажатларини ўз вақтида молиялаштириш. Жорий йилда айрим вилоятларимиз жуда қийналиб қолди. Чунки солиқ ойлик иш ҳақини 20-санагача ёпишимиз керак, кўп солиқлар ой охирида тушади. Шунинг учун ҳамма вилоятларда бир хил шароитни яратиш мақсадида шу таклиф киритиляпти», - дея Молия вазири ўринбосарининг сўзларини келтирмоқда Kun.uz мухбири.