Лондон марказида қуролли шахс йўловчиларга ҳужум қилди. У полициячилар томонидан қўлга олинди

Буюк Британия пойтахти Лондон шаҳри марказидаги London Bridge кўпригида номаълум шахс ўткинчиларга пичоқ билан ҳужум қилди.

Sky News нашри маълумотига кўра, у йўловчилар томонидан қуролсизлантирилган. Кўп ўтмай воқеа жойига полиция бўлинмаси етиб келган, полициячилар ҳужум қилган шахсга қарата ўт очиб уни жароҳатлашган ва қўлга олишган.

Ижтимоий тармоқда унинг қўлга олиш жараёни видеоси тарқалди.

Айни вақтда кўприк икки томондан тўсиб қўйилган. 

Ҳужум қилган шахсни жиноятга ундаган сабаблар ҳақида ҳозирча маълумот йўқ.

Лондон полицияси ҳодиса оқибатида бир неча киши жароҳатлангани тахмин қилинаётгани ҳақида ёзган.

Police were called at 1:58pm to a stabbing at premises near to London Bridge.

Emergency services attended, including officers from the Met and @CityPolice.

A man has been detained by police. We believe a number of people have been injured. Further info to follow.

— Metropolitan Police (@metpoliceuk) November 29, 2019

Ҳукумат ушбу ҳодисани террорчилик акти деб атади. Полиция қўлга олинган шахснинг белида порловчи қурилма ўрнатиладиган жилет муляжи бўлганини тасдиқлади. Ишни аксилтеррор бўлинма тергов қилмоқда.