Бразилия президенти Ди Каприони ўрмон ёнғинларига алоқадорликда айблади

Бразилия президенти Жаир Болсонару америкалик актёр ва эко-фаол Леонардо Ди Каприони мамлакатдаги ўрмон ёнғинларига алоқадорликда айблади, деб хабар бермоқда Associated Press агентлиги.

Болсонарунинг айтишича, Ди Каприо Амазония ўрмонларидаги ёнғинларга алоқадор нотижорат ташкилотларини молиялаштирган.

"Ди Каприо зўр йигит, шундай эмасми? Амазония ўрмонлари ёнишини молиялаштирмоқда", - деди Бразилия президенти.

Ди Каприонинг баёнот беришича, унинг Earth Alliance ташкилоти июль ва августдаги ўрмон ёнғинларидан сўнг ишга киришган ташкилотларга 5 млн доллар ажратган. Аммо улар орасида тергов натижасида аниқланган ёнғинга алоқадор гуруҳлар бўлмаган.

Аввалроқ молиялаштиришга эришиш учун ўрмонларга ўт қўйганликда гумонланиб тўрт кўнгилли қўлга олинганди. Улар айби исботланмаганидан сўнг қўйиб юборилган.