Австрия - Ўзбекистон сиёсий маслаҳатлашувлари бўлиб ўтади 

Вена шаҳрида Австрия - Ўзбекистон сиёсий маслаҳатлашувлари бўлиб ўтади. Бу ҳақда Ташқи ишлар вазирлиги хабар қилмоқда.

Қайд этилишича, 2019 йилнинг 2 декабрь куни Вена шаҳрида Австрия ва Ўзбекистон ташқи ишлар вазирликлари ўртасидаги сиёсий маслаҳатлашувларнинг навбатдаги раунди ўтказилади.

Маслаҳатлашувлар чоғида икки томонлама ҳамкорликнинг истиқболли йўналишларини муҳокама қилиш, шунингдек, халқаро кун тартибидаги долзарб масалалар юзасидан фикр алмашиш режалаштирилган.