Ўзбекистон ЯИМ капитал бозорининг ривожланиши туфайли қўшимча 2 фоизга ўсиши мумкин

Капитал бозорини ривожлантириш бўйича агентлик тақдимотига кўра, Ўзбекистон капитал бозорини ривожлантириш стратегиясини муваффақиятли амалга ошириш ҳисобидан прогноздан 2 фоизга юқори иқтисодий ўсишни таъминлаши мумкин.

Агентлик ЕТТБ ва ОТБ кўмагида, BTA ҳамда ISC маслаҳатчилари тавсиялари асосида тайёрланган 2020-2025 йилларга мўлжалланган капитал бозорини ривожлантириш стратегиясининг қисқача маълумотларини эълон қилди. Ҳужжат декабрь ойи ўрталарида жамоатчилик муҳокамасига қўйилади.

Стратегиянинг кутилаётган натижалари:

- бозорнинг барча иштирокчилари учун аниқ қоидалар / инвесторларнинг ҳуқуқларини ишончли ҳимоя қилиш;

- эркин муомаладаги қимматли қоғозлар улушини (Freefloat) ЯИМнинг 10 фоизига (6 миллиард доллар) етказиш;

- frontiermarkets халқаро индексларга киритиш;

- капитал бозори орқали Ўзбекистонга хорижий инвестицияларнинг сезиларли даражада кўпайиши;

- иқтисодиётнинг банк секторига боғлиқлигини ва банк тизимида давлат иштирокини камайтириш;

- фаровонликнинг ўсиши - 2,5 миллион маҳаллий инвесторларни жалб қилиш режалаштирилган. (Кутилаётган инвестициялар ҳажми - омонатларнинг 6 фоизи);

- иқтисодиётга хуфиёна айланмадан қўшимча маблағлар жалб қилиш;

- Ўзбекистон иқтисодиётининг тезроқ ўсишини таъминлаш (прогнозга нисбатан 2 фоизга юқори).