Трамп Аргентина ва Бразилиядан келтириладиган пўлат ва алюминийга киритилган божларни қайта тиклади

АҚШ мамлакатга Аргентина ва Бразилиядан келтириладиган пўлат ва алюминийга киритилган божларни қайта тикламоқда.

"АҚШга Бразилия ва Аргентинадан келтириладиган барча пўлат ва алюминийга нисбатан тарифларни зудлик билан қайта тиклайман", - деб ёзди АҚШ президенти Дональд Трамп ўз твиттерида.

Трамп бу мамлакатларнинг миллий валюталари қадрсизланаётганлигидан норози эканлигини, бу ҳолат уларнинг АҚШга етказадиган маҳсулотлари рақобатбардошлигини ошираётганини билдирди.

Bloomberg агентлигининг хабар беришича, январь-октябрь ойларида Бразилия АҚШга пўлат етказиб берувчилар рўйхатида иккинчи ўринни эгаллади. Импорт умумий ҳажмида Бразилиянинг улуши 17, Аргентинанинг улуши 0,5 фоизни ташкил этган.