Зеленскийнинг қиёфадоши Умид Исабоев иштирокидаги сериал суратга олина бошланди (видео)

Украина президенти ҳақидаги “Слуга народа” (Халқ хизматкори) сериалининг Россиядаги вариантини суратга олиш ишлари бошланди. Унда Украина президенти ролини Владимир Зеленскийнинг қиёфадоши Умид Исабоев ўйнайди.

Фото: Mash

Исабоев илк бор кинода роль ўйнамоқда. Шу сабабли у аста-секин суратга олиш майдончасига кўникишни ва актёрлик маҳорати сирларини эгаллашни бошлади.

Аввалроқ маълум қилинганидек, Исабоевга 4 сериядан иборат фильмда суратга тушиш таклиф қилинганди. Сериал Ялтада суратга олинмоқда.

Исабоев Москвада метрода пайқалиб, сурати интернетда эълон қилингач танилиб кетди. Асли ўзбекистонлик бўлган Умид ҳозирда Москвада оиласи билан бирга яшаб, автобўёқчи бўлиб ишлайди.