19 декабрдан Тошкент - Москва йўналишида автобус қатнови йўлга қўйилади

Фото: Транспорт вазирлиги ахборот хизмати

Транспорт вазирлиги жорий йилнинг 19 декабридан эътиборан “Тошкент – Москва – Тошкент” йўналишида мунтазам автобус қатновини йўлга қўймоқда.

Мазкур йўналишдаги қатновлар “Uzautotrans Service” корхонаси томонидан Yutong автобусларида бажарилади. Қатновлар “Тошкент” автовокзали ва Москванинг “Новоясеневская” автостанциясидан амалга оширилади.

Жорий йилнинг 19 декабрь куни соат 12:00да илк автобус Россия пойтахти Москва шаҳри томон “Тошкент” автовокзалидан йўлга чиқади. Мазкур йўналиш бўйича чипта нархи 900 000 сўм этиб белгиланган.

Билдирилишича, бугунги кунда Россия Федерациясининг Нижний Новгород ва Қозон шаҳарларига ҳам мунтазам автобус қатновлари амалга ошириб келинмоқда.