Тошкентда Мовароуннаҳр кўчасидан Абдулла Қодирий кўчасига қайта бурилиш жойи ташкил этилади

Тошкентда Мовароуннаҳр кўчасидан Абдулла Қодирий кўчасига қайта бурилиш жойи ташкил этилади. Бу ҳақда пойтахт ИИББ хабар бермоқда.

Қайд этилишича, Тошкент шаҳар ИИББнинг Тошкент тиббиёт академияси ҳудудида (эски ТошМИ) Мовароуннаҳр кўчасидан Абдулла Қодирий кўчасига қайта бурилиш жойини ташкил этиш ташаббусини шаҳар ҳокимияти ҳам қўллаб-қувватлаган. 

«Ҳозирги вақтда ушбу масалани камроқ харажат билан ҳал қилиш йўллари кўриб чиқилмоқда», - дейилади маълумотда.

Билдирилишича, қайта бурилиш жойини ташкил этиш билан боғлиқ ишлар давомида дарахтлар кесилмайди, бутазорлар эса қайта ўтқазилади.