Лукашенко ўғли унга Путинни ўрнак қилиб кўрсатишини айтди

Беларусь президенти Александр Лукашенко кичик ўғли Николай унга Россия президенти Владимир Путинни ўрнак қилиб кўрсатиши тўғрисида гапирди.

— У тез-тез: "Ана кўряпсизми, президент қандай иш тутиши керак" дейди, — деди Лукашенко "Эхо Москви" радиостанциясига берган интервьюсида.

Унинг сўзларига кўра, 15 ёшли Николай Путин билан "икки ёшлигидан бери" таниш. Ҳатто бир марта у ҳоккей ўйинида отасининг эмас, Путиннинг жамоасида ўйнашни хоҳлаган.

Лукашенко ўғлини оиладаги асосий мухолифатчи деб атади ва Николай ўзини тенгдошларидан юқори тутмаслигини айтди.

— Фарзандларим жудаям интизомли ва эҳтиёткор, фарзандларим бебош эмаслиги менинг бахтим. Бунга жиддий эътибор қаратаман, — деди Беларусь президенти.