АҚШ Яқин Шарққа десант кемаси ва пиёдалар батальонини жўнатмоқда

Фото: Reuters

АҚШ ҳарбий-денгиз кучлари Марокаш билан ҳамкорликдаги ўқув машғулотларини бекор қилди, деб хабар берди АҚШ ҳарбий-денгиз институти янгиликлар портали.

Хабарда айтилишича, қўшма машғулотларда иштирок этиши керак бўлган кема ва ҳарбий хизматчилар Яқин Шарққа жўнатилади.

"Эрон билан кескинликнинг кучайиши фонида АҚШ ҲДК Марокаш билан машғулотларни бекор қилади ва USS Bataan десант кемаси ва АҚШ денгиз пиёдалари 26-экспедицион батальонини Яқин Шарққа жўнатади", - дейилади хабарда.

Аввалроқ NBC телеканали АҚШ мудофаа вазирлиги Яқин Шарқда қўшимча 3 мингга яқин ҳарбийни вақтинчалик жойлаштиришга қарор қилгани тўғрисида хабар берганди.

Тайёрлаган Дилшод Аскаров

#АҚШ #Марокаш

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.