Ироқ бош вазири Сулаймонийнинг ўлими сабабли мамлакатда уч кунлик мотам эълон қилди

Фото: Reuters

Ироқ бош вазири вазифасини бажарувчи Одил Абдул Маҳдий АҚШ авиазарбаси оқибатида Эрон генерали Қосим Сулаймоний ва шиалар қуролли гуруҳи раҳбари ўринбосари Абу Маҳдий ал-Муҳандиснинг ҳалок бўлиши муносабати билан мамлакатда уч кунлик мотам эълон қилди. Бу ҳақда Ироқ ҳукуматининг Twitter саҳифасида маълум қилинди.

Хабар қилинишича, мотам шанба кунидан бошлаб эълон қилинган.

Эслатиб ўтамиз, 2 январдан 3 январга ўтар кечаси Бағдодда эронлик генерал Қосим Сулаймоний ўлдирилди. У шахсан Дональд Трампнинг топшириғи билан амалга оширилган операция натижасида ҳалок бўлди.

Эрон Сулаймоний ўлими учун қасос олинишини билдирди.

Тайёрлаган: Дилшод Аскаров

#Ироқ #Қосим Сулаймоний

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.