Ироқдаги америкаликлар жойлашган авиабаза ракета ҳужумига учради - ОАВ

Ироқдаги "Балад" авиабазаси ракета ҳужумига учради, деб хабар бермоқда араб ОАВ ва Ироқдаги вазиятни кузатаётган ижтимоий тармоқлар фойдаланувчилари.

Маълумотларга кўра, номаълум кишилар томонидан Ироқ пойтахтидан 70 км масофада жойлашган авиабазага учта ракета отишган. Бу ерда хусусан, АҚШ бошчилигидаги терроризмга қарши курашиш бўйича коалиция ҳарбийлари жойлашган.

#Breaking
Photos shows the aftermath of rocket attack targeted #Baghdad’s green zone and #US embassy in #Iraq. pic.twitter.com/ic2I1dqPmC

— Blesa Shaways (@Bilesa_Shaweys) January 4, 2020

Ракета ҳужуми тўғрисида расмий маълумот берилмади.

Аввалроқ Бағдоддаги АҚШ элчихонаси жойлашган ҳудудда ракета портлагани хабар қилинганди.

2 январдан 3 январга ўтар кечаси Бағдодда АҚШ авиазарбаси натижасида Эроннинг "Қудс" махсус бўлинмаси қўмондони генерал Қосим Сулаймонийнинг ўлимидан сўнг Ироқда вазият кескинлашди.