АҚШ Ироқ билан мамлакатдан Америка қўшинларини олиб чиқиб кетишни муҳокама қилмаслигини билдирди
АҚШ ҳукумати Ироқдан Америка қўшинларини олиб чиқиб кетишни муҳокама қилиш учун бу давлатга делегация юборишни режалаштирмаяпти. Бу ҳақда АҚШ давлат департаменти матбуот хизмати раҳбари Морган Ортэгуснинг баёнотида маълум қилинди.
Аввалроқ Ироқ бош вазири вазифасини бажарувчи Одил Абдул Маҳдий АҚШ давлат котиби Майкл Помпео билан телефон орқали мулоқотида Ироқдан Америка қўшинларини олиб чиқиб кетиш механизмини ишлаб чиқиш учун Вашингтондан Бағдодга ўз вакилларини юборишни талаб қилганди.
"Айни вақтда Ироққа йўл олган ҳар қандай делегациянинг мақсади қўшинларни олиб чиқиб кетиш эмас, стратегик ҳамкорлигимиз билан шуғулланиш, Яқин Шарқдаги кучларимизни тўғри жойлаштиришни муҳокама қилиш бўлади", - дейилади Ортэгуснинг баёнотида.
Шу билан бирга, у Вашингтон ва Бағдод ўртасидаги музокаралар нафақат хавфсизлик, балки икки давлатнинг "молиявий, иқтисодий ва дипломатик ҳамкорлиги" борасида ҳам бўлишини таъкидлаган.
Аввалроқ Ироқ парламенти мамлакатдан хориж қўшинларини чиқариб юбориш учун овоз берганди.
Мавзуга оид
22:03 / 22.09.2024
Трамп дебат ўтказиш ҳақидаги Ҳаррис таклифини рад этди
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024