Хитойдаги коронавирусдан вафот этганлар сони икки баробар ўсди. Вирус Россияга ҳам етиб борди

Фото: Reuters

Хитойда янги типдаги 2019-nCoV коронавирусдан касалланиб вафот этганлар сони 17 кишига етди. Бу ҳақда China Daily нашри вирус илк бор аниқланган Хубэй провинцияси ҳукуматига асосланиб хабар тарқатди.

Хитойнинг сирли вируси: хавотирланишга асос борми?

Янги турдаги коронавирус Россиягача етиб борди. «РИА Новости» ахборот агентлиги маълумотларига кўра, Хитойнинг Шанхай шаҳридан Санкт-Петербургга ўткир респиратор вирусли инфекция (ОРВИ) билан келган хитойлик ушбу коронавирусга чалингани гумон қилинмоқда.

Пулково аэропортига келган йўловчи Боткин номидаги юқумли касалликлар шифохонасига жойлаштирилган.

78.ru’нинг хабар беришича, шифохона бош шифокори Алексей Яковлев уларга коронавирусга чалинганликда гумон қилинаётган илк бемор етказилганини тасдиқлаган.

Шу билан биргаликда, Роспотребнадзорда Хитойдан келган йўловчи коронавирусга чалинганининг якуний тасдиғи ҳали йўқлиги маълум қилинган. Таъкидланишича, бемор текширувдан ўтказилади.

Хитойда вирусдан ҳалок бўлганлар сони ошмоқда, ЖССТ халқаро фавқулодда вазият эълон қилиши кутилмоқда

Касалликка чалиниш ҳолатлари Таиланд ва Японияда ҳам кузатилган. Ўзбекистон ТИВ Хитойда тарқалган янги вирус сабабли у ерга бормоқчи бўлган ўзбекистонликларни эҳтиёт бўлишга чақирган. Ўзбекистон ССВ Хитойда тарқалган коронавирус туфайли чегарадаги санитар назорат кучайтирилганини маълум қилган.

Тайёрлаган: Азиз Қаршиев

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.