Украинада кўнгилочар томошаларда жониворлардан фойдаланишни тақиқлаш режалаштирилмоқда

Украина маданият, ёшлар ва спорт вазирлиги 2021 йилдан циркларда жониворлардан фойдаланишни тақиқлаш тўғрисидаги қонун лойиҳасини тайёрламоқда, деб хабар берди вазирлик матбуот хизмати.

Ҳужжат лойиҳасига кўра, жумладан, жониворлардан барча турдаги кўнгилочар-томоша тадбирларида фойдаланиш тақиқланади. 

Қайд этилишича, ҳужжат фаолияти жониворлар билан алоқадор соҳаларга татбиқ этилмайди.

"Масалан, кинология тақиқланмайди, жониворлар терапияси бекор қилинмайди ва жониворлар иштирокидаги спорт мусобақалари ҳам ўтказилади", - деб таъкидлади вазирлик вакили.

Маълумот берилишича, ҳозирда Украинадаги 7та давлат циркидаги томошаларда 317 та жонивордан фойдаланилади.