Қўшимча функционаллар
-
Тунги кўриниш
Ироқда янги бош вазир тайинланди
Ироқ президенти Барҳам Солиҳ собиқ коммуникациялар вазири Муҳаммад Тофиқ Алавийни бош вазир этиб тайинлаб, унга янги ҳукуматни шакллантириш вазифасини топширди. Бу ҳақда Reuters ахборот агентлиги хабар берди.
Фото: Flickr /middleeastaffair
Сиёсий партиялар мамлакатдаги оммавий норозиликлар ортида собиқ бош вазир Одил Абдулмаҳдий истеъфога кетгандан кейин унинг ўрнини эгаллайдиган номзодни таклиф қила олишмаган.
Алавий мамлакатни муддатдан аввал сайловлар ўтказилгунга қадар бошқаради. У бир ой ичида янги ҳукумат шакллантириши керак бўлади. Янги бош вазир сиёсий блоклар вазирлар маҳкамасидаги муҳим лавозимларга ўз номзодларини суқиштиришга ҳаракат қилса, истеъфога кетишидан огоҳлантирган.
Ироқдаги оммавий норозиликлар 2019 йил ноябрида бошланган. Дастлаб иқтисодий ислоҳотлар ўтказилишини талаб қилган намойишчилар кейинроқ ҳукумат истеъфосини талаб қила бошлашган. Баъзи маълумотларга кўра, намойишчиларнинг ҳуқуқ-тартибот идоралари билан тўқнашувлари оқибатида 500 га яқин одам ҳалок бўлган.
Мавзуга оид
09:20 / 31.10.2024
Ироқ ўз ҳаво ҳудуди Исроил томонидан бузилгани юзасидан БМТга шикоят қилди
12:10 / 28.10.2024
Туркия ҲҲК Ироқ шимолидаги 34 та объектни йўқ қилди
11:00 / 23.10.2024
Ироқ: Ғазо ва Ливандаги уруш бошқа минтақаларда янги можароларга олиб келиши мумкин
20:08 / 19.10.2024