Қўшимча функционаллар
-
Тунги кўриниш
Эронда МРБ учун жосуслик қилишда айбланган шахс ўлим жазосига ҳукм қилинди
Эронда мамлакат ядровий дастури доирасида МРБ фойдасига жосуслик қилишда айбланган эркак ўлим жазосига ҳукм қилинди. Бу ҳақда Эрон олий суди вакили Ғулом Ҳусайн Исмоилий маълум қилди.
Фото: REUTERS/Morteza Nikoubazl
"МРБнинг жосусларидан бири бўлган Амир Раҳимпур ўлим жазосига ҳукм қилинди. У Эрон атом дастури тўғрисидаги маълумотни АҚШ разведкасига беришга уринган", - дея иқтибос келтиради Tasnim агентлиги Исмоилийдан.
Унинг сўзларига кўра, "Эрон хорижий душманлари билан пачакилашиб ўтирмаслигини англашлари учун ҳукм тез вақт ичида ижро этилиши лозим".
Теҳрон ва Вашингтон орасидаги муносабатлар кескинлашгани боис Эронда хорижий агентларни фош қилиш кампанияси кетмоқда. 2019 йил октябрда АҚШ фойдасига жосуслик қилгани учун мамлакат фуқароларидан бири ўлим жазосига ҳукм қилинганди.
