Ўзбекистон делегацияси ШҲТ Миллий координаторлари кенгаши йиғилишида иштирок этади

ШҲТнинг 2020 йилдаги асосий тадбирлар режасини келишиш ва тасдиқлаш кутилмоқда

2020 йилнинг 11-14 февраль кунлари Ўзбекистон делегацияси Москва шаҳрида бўлиб ўтадиган Шанхай ҳамкорлик ташкилотига аъзо давлатлар Миллий координаторлари кенгашининг (ШҲТ МКК) йиғилишида иштирок этади.

ТИВ хабарига кўра, йиғилиш кун тартибидан ташкилот фаолиятининг жорий масалалари ҳамда Санкт-Петербург шаҳридаги бўлажак ШҲТ Саммитида қабул қилиниши режалаштирилаётган ҳужжатлар лойиҳаларини кўриб чиқиш ўрин олган.

ШҲТнинг 2020 йилдаги асосий тадбирлар режасини келишиш ва тасдиқлаш кутилмоқда, дейилади маълумотда.