Ҳайдовчилардан амалий имтиҳонларни автоматлаштирилган автодромларда олиш тартиби жорий этилади

Йўл ҳаракати хавфсизлиги соҳасидаги рўйхатлаш ва имтиҳонларни олиш тартиб-таомилларини соддалаштириш кўзда тутилган

Фото: KUN.UZ

2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Илм-маърифат ва рақамли иқтисодиётни ривожлантириш йили”да амалга оширишга оид давлат дастури лойиҳаси эълон қилинди.

2020 йил 1 июлга қадар норматив-ҳуқуқий ҳужжатлар лойиҳалари ишлаб чиқилади. Лойиҳаларда Тошкент шаҳрининг Чилонзор тумани, Самарқанд ва Наманган шаҳарларида қуйидагиларни кўзда тутувчи амалиётни эксперимент тариқасида Давлат хизматлари марказлари орқали жорий этиш назарда тутилади:

Давлат йўл ҳаракати хавфсизлиги хизматининг автомототранспорт воситаларини давлат рўйхатидан ўтказиш ва ҳайдовчилик гувоҳномаси олиш учун имтиҳон ўтказиш бўйича хизматларини давлат хизматлари марказлари орқали амалга ошириш;

ҳайдовчилардан амалий имтиҳонларни автоматлаштирилган автодромларда олиш тартибини жорий этиш назарда тутилади

Ижро учун масъуллар - ИИВ, Адлия вазирлиги, вазирлик ва идоралар.