Илмий-тадқиқот муассасаларини бюджетдан молиялаштиришга ўтилади

Ўзбекистонда илмий-тадқиқот муассасаларини бюджетдан молиялаштиришга ўтилади. Бу ҳақда Ҳаракатлар стратегиясини “Илм-маърифат ва рақамли иқтисодиётни ривожлантириш йили”да амалга оширишга оид давлат дастури лойиҳасида айтилган.

2020 йил 1 апрелга қадар норматив-ҳуқуқий ҳужжат лойиҳаси ишлаб чиқилади. Лойиҳада:

қишлоқ хўжалиги илмий салоҳиятини янада ошириш бўйича 2020-2025 йилларга мўлжалланган дастур ишлаб чиқиш;

илмий-тадқиқот муассасаларини бюджетдан молиялаштиришга ўтиш;

фундаментал ва амалий тадқиқотлар ҳамда инновацион фаолиятнинг асосий йўналишларини ишлаб чиқиш;

қишлоқ хўжалиги ишлаб чиқаришининг замонавий шаклларини яратиш бўйича илмий тадқиқотлар олиб бориш;

хорижий илмий марказлар билан ҳамкорликда қўшма лойиҳаларни амалга ошириш, замонавий smart, ресурстежамкор ва инновацион технологиялар бўйича тор ихтисосликдаги малакали илмий кадрларни тайёрлаш назарда тутилади.

Ижро учун масъуллар - Қишлоқ хўжалиги вазирлиги, Олий ва ўрта махсус таълим вазирлиги, Инновация вазирлиги.