Британия бош вазири Борис Жонсон ва унинг рафиқаси Марина Вилер 25 йиллик биргаликдаги турмушдан кейин 2018 йилда ажрашишга қарор қилишганди. Жонсон 2 йил ўтибгина рафиқаси билан ажрим келишувини тузишга эришди.
Бу ҳақда Express нашри хабар берди.
Жонсон 2 йиллик суд жараёнидан кейин рафиқаси билан ажрим бўйича молиявий келишувга эришди. Шундан кейингина судья бош вазирга никоҳни бекор қилиш ҳақидаги аризани ёзишга рухсат берди.
Маълум қилинишича, 55 ёшли Жонсон ва унинг 54 ёшли рафиқасида 4 фарзанд бор.
ОАВ маълумотларига кўра, Жонсоннинг рафиқаси эрининг кўплаб хиёнатлари сабабли у билан ажрашишга қарор қилган.