Тошкент - Андижон йўналишида ҳаракатланган йўловчи поезди техник сабаб туфайли тўхтаб қолди
2020 йил 18 февраль куни соат 18:34да 62-сонли Тошкент - Андижон йўналишида ҳаракатланган йўловчи поезди тўхтаб қолди.
«Ўзтемирйўлйўловчи» АЖ хабарига кўра, бу техник сабаб туфайли рўй берган бўлиб, поезд Ақча - Аблиқ перегонида тўхтаган.
Кўрилган чора-тадбирлар натижасида соат 19:55дан бошлаб мазкур поезд ўз йўналиши бўйлаб ҳаракатини давом эттирди.
«Бундай ноқулайлик учун «Ўзтемирйўлйўловчи» АЖ маъмурияти барча йўловчилардан узр сўрайди», - дейилади маълумотда.