Коронавирус сабабли Жанубий Корея парламенти дезинфекция учун ёпилди
Парламент мажлисида қатнашган Корея ўқитувчилар ассоциациялари федерацияси президенти Ха Юн Суда шанба куни коронавирус аниқланган. Мажлисда у билан мулоқотда бўлган бир неча нафар депутат тиббий текширувдан ўтказилмоқда.
Жанубий Корея парламентининг ялпи мажлиси у ерда коронавирусга чалинган бемор аниқлангани учун бекор қилинди ва бино дезинфекция қилиш учун ёпилди. Бу ҳақда мамлакат миллий мажлиси вакили Хан Мин Су маълум қилди.
Унинг сўзларига кўра, миллий мажлис биноси ва депутатлар офислари жойлашган бинода 24 февраль куни дезинфекция ишлари ўтказилади. Бино 26 февраль куни очилади. Шу боис парламентнинг душанба ва сешанба кунги йиғилишлари бекор қилинган.
Рёнхап агентлигининг хабар беришича, парламент мажлисида қатнашган Корея ўқитувчилар ассоциациялари федерацияси президенти Ха Юн Суда шанба куни коронавирус аниқланган. Мажлисда у билан мулоқотда бўлган бир неча нафар депутат тиббий текширувдан ўтказилмоқда.
Сўнгги маълумотларга кўра, мамлакатда 833 киши коронавирусга чалинган, етти киши вафот этган, 18 киши тузалиб кетган.
Вирус жадал тарқалаётгани сабабли Жанубий Корея ҳукумати мамлакатда хавфлиликнинг энг юқори “қизил” даражасини жорий қилишга қарор қилди.
Мавзуга оид
22:29 / 03.10.2024
Жанубий Корея президенти рафиқасидан порахўрлик айблови олиб ташланди
01:17 / 02.10.2024
Жанубий Корея КХДРнинг ер ости бункерларини ҳам яксон этишга қодир энг кучли ракетасини намойиш этди
14:20 / 27.09.2024
Жанубий Кореяда итларни гўшти учун боқишдан бош тортган фермерларга пул тўланади
21:57 / 26.09.2024