«Самарқанд - Тошкент - Санкт-Петербург» йўналишида мунтазам автобус қатнови бошланди

Йўналиш бўйлаб чипта нархи Самарқанддан 840 000 сўм, Тошкентдан 800 000 сўмни ташкил этади

Фото: Транспорт вазирлиги ахборот хизмати

Жорий йилнинг 25 февраль кунидан эътиборан "Самарқанд – Тошкент – Санкт-Петербург" йўналишида мунтазам автобус қатнови ўз фаолиятини бошлади.

25 февраль куни соат 09:00да Самарқанд автовокзалидан йўлга чиққан автобус “Тошкент” автовокзалидан қўшимча йўловчиларни олиб, Санкт-Петербург томон йўл олди. Мазкур йўналиш қатнов масофаси 4436 км.ни ташкил этади. Йўловчилар Санкт-Петербург марказий автовокзалига етказиб қўйилади.

Мазкур йўналиш бўйлаб чипта нархи Самарқанддан 840 000 сўм, Тошкентдан эса 800 000 сўмни ташкил этади. Йўналишда Ўзбекистон томонидан Uzautotrans service МЧЖ ва Россиянинг "ТТК ГЛОБУС" МЧЖ йўловчиларга хизмат кўрсатади.