АҚШ конгресси коронавирусга қарши кураш учун 8,5 млрд доллар ажратишга тайёр - Трамп

АҚШ конгресси коронавирусга қарши кураш учун президент Дональд Трамп маъмурияти сўраган суммадан 6 млрд доллар кўпроқ ажратишга тайёр.

Фото: Getty Images

Бу ҳақда Трампнинг ўзи маълум қилди.

“Мен 2,5 миллиард сўрагандим. Кўринишича, улар [конгресс] бизга 8,5 миллиард беришга тайёр. Бундай ҳодиса мен билан [президент сифатида] қачондир бўлган, деб ўйламайман. Мен бу пулларни олишимни айтишим керак, кўринади”, деб айтган Трамп Вашингтондаги чиқишида.

АҚШ президенти коронавирусга қарши асосий саъй-ҳаракатлар округлар даражасидаги маҳаллий ҳокимиятлар томонидан кўрилишини таъкидлаб ўтган. 8,5 млрд доллар федерал бюджетдан тақдим қилинади.

Тайёрлаган Шуҳрат Раҳимов

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.