Италия вазири коронавирус сабабли ўз ихтиёри билан карантинга жойлашди
Ўтган ҳафтада Ломбардия президенти Аттилио Фонтана ҳам яқин ходими коронавирусга чалингани аниқланганидан сўнг ўз ихтиёри билан карантинга жойлашганди.
Италия иқтисодий ривожланиш вазири Стефано Патуанелли 25 февралда Ломбардия области иқтисодий ривожланиш асессори Алессандро Маттинцоли билан учрашгани учун 10 мартгача ўз ихтиёри билан карантинга жойлашди. Маттинцолида коронавирус аниқланган.
Маттинцоли коронавирусга чалингани тўғрисида ОАВ душанба куни хабар берганди. Унинг Ломбардиядаги барча ҳамкасблари текширувдан ўтказилган ва уларнинг касалликка чалинмаганлиги аниқланган.
Маттинцоли 25 февралда иқтисодий ривожланиш вазири Стефано Патуанелли билан 15 дақиқа суҳбатлашгани маълум бўлгач, вазир тиббий текширувдан ўтган. Унда коронавирус аниқланмаган. Шунга қарамасдан, Патуанелли эҳтиёт чораси сифатида ўз ихтиёри билан карантинга жойлашди.
Ўтган ҳафтада Ломбардия президенти Аттилио Фонтана ҳам яқин ходими коронавирусга чалингани аниқланганидан сўнг ана шундай қарор қабул қилганди.
Италияда коронавирусга чалинганлар сони 2502 кишига етди, 79 киши инфекция қурбонига айланди.
Мавзуга оид
21:28 / 29.09.2024
Германия президенти CC жиноятлари учун Италиядан кечирим сўради
23:26 / 24.09.2024
Италиядаги кўргазмада 57 ёшли эркак хитойлик ҳайкалтарошнинг санъат асарини синдирди
11:10 / 21.09.2024
Ўзбекистон ва Италия қишлоқ хўжалигида илғор технологияларни жорий этади
10:20 / 19.09.2024