Трамп коронавирусга қарши курашиш учун 8,3 млрд доллар ажратиш тўғрисидаги қонун лойиҳасини имзолади

АҚШда коронавирусга чалиниш билан боғлиқ икки юзта ҳолат қайд этилган, улардан 14таси ўлим билан тугаган.

Фото: REUTERS/Carlos Barria

АҚШ президенти Дональд Трамп янги турдаги коронавирус тарқалишига қарши бюджетдан фавқулодда харажатлар учун 7,8 млрд доллар ажратилиши кўзда тутилган қонун лойиҳасини имзолади.

Қонун лойиҳасида шунингдек, Medicare тиббий суғурта дастуридан 500 млн долларни эпидемиясига қарши курашиш учун сарфлашга рухсат берилган.

Шу тарзда, COVID-19 вирусига қарши курашиш учун ажратилган маблағ 8,3 млрд долларни ташкил этади.

Жон Хопкинс университетининг маълумот беришича, АҚШда коронавирусга чалиниш билан боғлиқ икки юзта ҳолат қайд этилган, улардан 14таси ўлим билан тугаган.

Тайёрлаган Дилшод Аскаров

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.