Британия ҳукумати пенсиядаги тиббиёт ходимларини ишга қайтишга чақирди

Буюк Британияда шунингдек, коронавирусга чалинганларни даволаш ишларига кўнгиллилар ҳам жалб этилмоқда.

Фото: REUTERS

Британия ҳукумати пенсиядаги 65 минг нафар тиббиёт ходимини ишга қайтишга ва коронавирус тарқалиши оқибатлари билан курашишга чақирди. Бу ҳақда BBC News хабар берди.

Соғлиқни сақлаш вазири Мэттью Хэнкок 50 минг нафар собиқ ҳамшира ва 15 минг нафар пенсионер шифокорлар орасида "минглаб нафари чақириққа жавоб беришига" умид билдирди.

Буюк Британияда шунингдек, коронавирусга чалинганларни даволаш ишларига кўнгиллилар ҳам жалб этилмоқда. Улар бир неча ҳафта давомида махсус тайёргарлик курсида ўқишади. Бундан ташқари, тиббий таълим муассасаларининг битирувчи талабалари ҳам инфекция билан курашишга жўнатилмоқда.

Британияда коронавирусга чалиниш билан боғлиқ 3,2 мингдан ортиқ ҳолат қайд этилган.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.