Тошкент шаҳрига жамоат транспортлари орқали кириш ва чиқишни вақтинчалик чеклаш режалаштирилмоқда

Фото: Транспорт вазирлиги

24 мартдан бошлаб Қорақалпоғистон Республикаси ва вилоятлардан Тошкент шаҳрига ҳамда Тошкент шаҳридан Қорақалпоғистон Республикаси ва вилоятларга амалга оширилаётган жамоат транспорти ҳаракатини вақтинчалик чеклаш режалаштирилмоқда

Тошкент шаҳрига жамоат транспортлари орқали кириш ва чиқишни вақтинчалик чеклаш режалаштирилмоқда. Бу ҳақда Транспорт вазирлиги хабар берди.

Қайд этилишича, Транспорт вазирлиги томонидан 2020 йил 24 март соат 00:01 дан бошлаб, Қорақалпоғистон Республикаси ва вилоятлардан Тошкент шаҳрига ҳамда Тошкент шаҳридан Қорақалпоғистон Республикаси ва вилоятларга амалга оширилаётган жамоат транспорти ҳаракатини вақтинчалик чеклаш режалаштирилмоқда.

Ниқоб тақиш мажбурий, ходимлар масофадан ишлашга ўтади. Ўзбекистонда янги карантин чоралари

Билдирилишича, бу Ўзбекистон Республикасига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича Республика махсус комиссияси кўрсатмасига кўра амалга оширилади.