Мисрдаги эҳромлар мажмуаси дезинфекция қилина бошланди

Миср эҳромлари ёнидаги туристик жойларда коронавирусга қарши кураш доирасида дезинфекция ишлари бошланди.

Фото: EPA

Egypt Independent нашрининг ёзишича, эҳромларга кириш жойи, “кутиш зали”, рентген қурилмалари, ҳожатхоналар ва йўлкаларга антисептик аралашма билан ишлов берилган.

Шунингдек, Катта эҳром олдидаги ёғоч йўллар ҳам дезинфекция қилинган.

Мисрнинг туризм ва қадимийликлар вазирлиги 21 март куни мамлакатдаги барча археологик объектлар ва музейлар 23-31 март кунларига ёпилишини эълон қилган.

Бу орада 19 мартдан 31 мартгача тўхтатилиши режалаштирилган парвозлар 15 апрелгача тўхтатилган.

Охирги маълумотларга кўра, Мисрда коронавирусга чалинганлар сони 442 нафарни, вафот этганлар сони эса 21 нафарни ташкил қилмоқда.

Тайёрлаган Шуҳрат Раҳимов

#Миср #эҳромлар

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.