Тошкентда Миллий гвардия махсус техникалари ёрдамида дезинфекция ишлари амалга оширилмоқда

Пойтахтда коронавирусга қарши чора-тадбирлар янада кучайтирилди

Фото: Миллий гвардия

Ўзбекистон Республикаси Миллий гвардияси, Ички ишлар вазирлиги ҳамда бошқа ҳамкор вазирлик ва ташкилотлар пойтахтда дезинфекция ишларини амалга оширишга киришди.

Миллий гвардия хабарига кўра, бу бугун, 28 март кунидан эътиборан коронавирус тарқалишининг олдини олиш мақсадида қилинмоқда.

Дезинфекция ишларига Миллий гвардия бўлинмалари махсус техникалари жалб қилинган бўлиб, ишлар Тошкент шаҳри бўйлаб – кўчалар, одамлар гавжум бўладиган жамоат жойлари, савдо марказлари, давлат идоралари ва ташкилотлари атрофи ҳамда пойтахтга кириш ва чиқиш постларида амалга ошириляпти.