Москвада коронавирусли чақалоқ туғилди

31 март куни Москва шаҳридаги перинатал марказлардан бирида коронавирусли чақалоқ туғилди.

Фото: Известия / Андрей Эрштрем

Бунгача унинг онаси коронавирус инфекцияси билан шифохонага ётқизилган эди.

Янги туғилган қизча коронавирус тестидан ўтказилди ва у ижобий натижа берди. Энди бу ташхис такрорий тест орқали тасдиқланиши керак.

Ҳозирча, бола бошқа шифохонага ётқизилган ва ажратиб қўйилган. Унинг аҳволи қониқарли, онаси эса тиббий ходимларнинг доимий кўригида бўлиб турибди.

Тайёрлаган Сардор Юсупов

#Москва

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.